اهلا بك يا زائر في منتديات عشاق الجنة
 
الرئيسيةالتسجيلدخول
t-a-s (79)
تواقيع إسلامية
تواقيع إسلامية
تواقيع إسلامية
تواقيع إسلامية
تواقيع إسلامية
تواقيع إسلامية
تواقيع إسلامية
تواقيع إسلامية

شاطر | 
 

 أنا لية .. محجبة ... ليه ؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
امجد توفيق
عضو مميز جداا
عضو مميز جداا


عدد المساهمات : 138
تاريخ التسجيل : 22/06/2010

مُساهمةموضوع: أنا لية .. محجبة ... ليه ؟   الجمعة يناير 21, 2011 3:06 pm

" أنا لية .. محجبة ... ليه ؟ "

أنا محجبة -

بعد إيماني بأمر ربنا إن الحجاب فرض على كل مسلمة -




علشان الأسباب التالية:

1 - علشان انا حرة … مش من حق حد يشوف مني اللي مش عاوزاه يشوفه إلا بإرادتي …
ومن حقي اختار مين اللي يشوف مني أجمل ما عندي ..
واللي علشان يشوف ده ويبقى حقه وحلاله بلاله عن طيب خاطر..
لازم هو كمان يديني مشاعره واللي باقي من عمره عن طيب خاطر…




2 - علشان أنا غالية .. مينفعش أقلل من قيمة نفسي
واخليها عرضة لكل العيون ..
ويبقى خروجي مكشوفة ضوء أخضر لكل من هب ودب
يسرق مني ولو نظرة لأي جزء مش متغطي مني ..
حتى لو مكنش ده قصدي …
بس مش حقدر امنعه …





كامل اعتذاري لغير المحجبات..
ولكن ده اللي حيوصل منك لضعيفي النفوس حتى لو مكنش ده قصدك.. وده اللي علشانه ربنا فرض الحجاب .
علشان ميطمعش الذي في قلبه مرض …





3 - علشان أنا باحترم نفسي .. وشايفة نفسي كبيرة قدام نفسي .. ومينفعش أنزل سوق المنافسة في الأنوثة
علشان أفوز في الآخر بنظرة شهوانية أو كلمة غزل رخيصة
أو عرض صحوبية…




4 - علشان انا جمالي مش خارجي وبس..
ومن حقي ان اللي ييجي يتجوزني ..
واللي حاديله الباقي من عمري ..
واللي حديله كل مشاعري ..
واللي حاقاسمه أحلامي وأفكاري ..
واللي حخلف منه ولادي ..
وحاربيهم معاه ..
مايختارنيش على مقاييس شكلية وبس ..
أو تبقى هي دي العامل الأساسي في أختياره ليا …
علشان كدة مش ضروري يشوفني في كامل زينتي وجمالي
قبل ما ي! تجوزني .......
الأهم انه يحب روحي ويعجب بشخصيتي ..
ويرتاح معايا نفسياً..



أصل في بنات بتأجل الحجاب لحد ما تتجوز..
على أساسا انها تكون شنكلت واحد وضمنته..
مع إن مفيش حاجة مضمونة في الزمن ده ..
واللي اختارها علشان جمالها ..
ممكن قوي يتجوز عليها واحدة أجمل منها..
لأنه أكيد في الأجمل منها يعني..


5 - علشان أنا باخاف على أخويا في الله..
اللي بيشوفني في الشغل أو في الكلية أو في المواصلات أو في الشارع .. ويمكن يكون عاوز يقرب من ربنا ..
وبيجاهد نفسه علشان يغض بصره..
فمرضاش لنفسي اني اكون سبب في اني افتنه..




6 - علشان أنا باشيل هم أخويا في الله ..
اللي نفسه يتجوز ومش قادر لضعف إمكانياته المادية ..
فمش ضروري يعني ازود عليه همومه…
وأخيله في الرايحة والجاية ..
7 - ده غير حاجة مهمة كمان …
الكفن بتاع النساء..
فيه حجاب..
فاللي مش حتلبسه وهي حية بإرادتها طاعة الله..
حتلبسه كدة كدة وهي رايحة قبرها..
وطالما ربنا بيقول اننا نتستر حتى واحنا رايحين قبورنا
وخلاص انتهى التكليف …
ومحدش حيشوفنا تاني ولا حد حيطمع فينا ..
يبقى مفيش معنى اننا نمشي مكشوفين لكل العيون واحنا أحياء نرزق..
يبقى الأولى اطيع ربنا بإرادتي وأقابله وهو راضي عني واخد أجري كامل.. ولاّ اني ملبسوش غير وانا جثة واقابل ربنا وهو غضبان عليا؟


والأسباب اللي فوق دي .. هي اللي فهمتني ليه ربنا فرض علينا الحجاب..
مش تعسير ولا تضييق ..
الحجاب فعلا عزة وكرامة..
ميعرفهاش غير اللي داق طعم الستر..



والله يا جماعة انا نيتى وانا بنقل الكلام ده ان اى واحدة محجبة تعتز انها مسلمة وتفتخر بحجابها
واى واحدة مش محجبة تعرف انه مكانش امر تعسفى من المولى تبارك وتعالى لكنه كان من اجل الحفاظ عليكى

ربنا يهدينا ويهدى بنات المسلمين
الرجوع الى أعلى الصفحة اذهب الى الأسفل
كرومبو
عضو متألق
عضو متألق


عدد المساهمات : 1309
تاريخ التسجيل : 13/07/2010

مُساهمةموضوع: رد: أنا لية .. محجبة ... ليه ؟   الأحد يناير 23, 2011 4:29 am

الرجوع الى أعلى الصفحة اذهب الى الأسفل
عاشقة الخيال
مديرة المنتدى
مديرة المنتدى


عدد المساهمات : 6728
تاريخ التسجيل : 21/05/2009
العمل/الترفيه : النت والقراءة وكتابة القصص

مُساهمةموضوع: رد: أنا لية .. محجبة ... ليه ؟   الثلاثاء يناير 25, 2011 4:31 am

جزاااااااااااكى الله كل خير
موضوع مفيد ورائع
بارك الله لكى

[//www.0zz0.com][/url]





الرجوع الى أعلى الصفحة اذهب الى الأسفل
http://elham.gid3an.com
 
أنا لية .. محجبة ... ليه ؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى عشاق الجنة :: المنتديات الاسلامية :: اسلاميات-
انتقل الى: